意盃：阿特兰大当弗抢意盃_东方日报

time

意大利盃决赛，由阿特兰大与祖云达斯于罗马奥林匹高球场争夺冠军。阿特兰大状态极勇，近7战6胜1和，相反祖云达斯6场只得5和1负，球员欠缺争胜心，教练阿里基亦愈教愈无瘾，「阿大」向住意盃同欧霸盃双冠王目标进发，决心比祖记犟，平手盘捧阿特兰大。（周四凌晨3时开赛）

要数今季欧洲神奇球队，除咗人所共知嘅德甲王者利华古逊，阿特兰大表现都令人刮目相看。「阿大」下个周中就会同利华古逊争欧霸冠军，但今个礼拜佢哋要先完成手上第一个「ToDoList」，就系赢意盃冠军。

阿特兰大状态非常好，近7场获6胜1和，啱啱过去周日意甲以2比1击败罗马，喺争夺下届欧联入场券佔先机，肯定可以为今仗激励士气，而且有一点好重要，「阿大」上次最接近冠军，就系2021年意盃决赛，当年佢哋就系输畀祖云达斯，今场復仇味浓。

祖记颓爆近6战不胜

祖云达斯度过一个令人失望嘅球季，喺唔使兼顾欧战下，联赛现时只排第4，远远落后已夺冠军嘅国际米兰25分，阿里基虽然闻到鱿鱼香，但仍然教到力不从心，近6场未赢过，再推远啲，近12场亦只系赢得2场，上场联赛主场斗包尾嘅沙兰大坦拿，喺无乜特别轮换下，竟然先落后0比1，要去到补时先追和，今场对住弗到爆嘅阿特兰大，更加唔好奢望会有突破性反弹表现，平手盘全力支持阿特兰大啦！

相关阅读：CBA在线直播